ရုန်းကန်လှုပ်ရှား ကျော်ြဖတ်ခဲ့ရတဲ့
အဖေနဲ့အမေ နုပျိုစဉ်တုန်းက
နှစ်ယောက်ဘဝကို ပိုမိုပြည့်စုံစေမယ့်
ကလေးလေးတစ်ယောက် ရောက်လာခဲ့ပါတယ်။
အဲတုန်းက ရိုက်ခဲ့တဲ့ မိသားစုဓာတ်ပုံထဲက
ကြည်နူးမှုအပြုံးတွေ
အခုတော့ အရောင်ပျယ်သွားခဲ့ပေမယ့်
ငါဟာ အရွယ်ရောက်လာခဲ့ပြီး လက်တွေ့ဘဝကြီးထဲမှာ
ကျင်လည်ရင်း တဇွတ်ထိုးတတ်တဲ့ သားသမီးဖြစ်လာခဲ့တယ်။
ဘဝရေကြော အမောမှာ လဲကျလိုက်
ပြန်ထလိုက်နဲ့
အထီးကျန်ဆန်တဲ့ ညတစ်ညမှာ ဓာတ်ပုံလေးကို
ပြန်ထုတ်ကြည့်မိတော့
ငါဟာ အဖေနဲ့ အရမ်းတူနေပါလား
ငါ့ရဲ့ နုပျိုမှုတွေလည်း တဖြည်းဖြည်း
ကျော်လွန်သွားချိန် အဲဒီတော့မှ မြင်လာမိတဲ့ သူတို့ရဲ့ ဘဝအမောတွေ မိသားစုဓာတ်ပုံထဲက
အပြုံးတွေနဲ့ တို့အမေ
ပန်းလေးနဲ့တူတဲ့အမေရဲ့ နုပျိုမှုက
ငါ့ဆီတလှည့် ရောက်လာခဲ့ပြီး
ငါ့ဘဝအပြုံးပန်းဝေစေဖို့အတွက်
မြေဩဇာဖြစ်သွားခဲ့ရတဲ့
အဖေနဲ့အမေရဲ့ နေလောင်ခံဘဝအမောတွေကို
ငါတဖန် ပြန်လည်သန့်စင်ရင်း
အဖေနဲ့အမေ အပြုံးပန်းဝေနိုင်ပါစေ
No comments:
Post a Comment