အပန်းဖြေသောအခါ ပင်လယ်သည် ကျနော်အချစ်ဆုံး

ဟိုတယ်လက်စ်မှာ အပန်းဖြေချိန်

အလုပ်တွေနဲ့ နေ့တိုင်းစိတ်ညစ်နေတယ်။ ဒီရက်ပိုင်းမှာတော့ ကမ်းခြေမှာ အေးဆေးနားပြီး စိတ်အပန်းဖြေလိုက်ပါတယ်။

မနက်ပိုင်း ဂဏန်းတွေ သဲသောင်ပြင်မှာ လိုက်ဖမ်းတယ်။ ကြည်လင်ပြတ်သားတဲ့ ပင်လယ်ရေကမ်းစပ်မှာ လမ်းလျှောက်တယ်။ လေကောင်းလေသန့်တွေရှုရိုက်တယ်။
ဒီလိုနဲ့ပဲ အလုပ်အတွက် အတွေးသစ်အမြင်သစ်တွေ ဆောင်ကြည်းပေးတဲ့ လေကောင်းတွေကလည်း သဘောကောင်းစွာနဲ့ အဆက်မပြတ် တိုက်ပေးနေတယ်။

အတွေးတွေ တလူလူထွက်လာဖို့ ညပိုင်းမှာ သောက်လို့မကုန်တဲ့ Black Label လေးနဲ့မော့ပြီး ပါသွားတဲ့ စာအုပ်တွေဖတ်တလည့် ၊ သီချင်းတွေနားထောင်တလည့်နဲ့အတူ သဲသောင်ပြင် ညနေစောင်းမှာ ရေကစားဖို့ ခေါ်တော့တာပဲ။

ညပိုင်းရောက်တော့လည်း ပင်လယ်စာကိုအမြည်းလေးလုပ်ပြီး ထပ်ပြီး အနက်လယ်ဘယ်လေးနဲ့ အတွေးတွေကွန့်မြူးပြန်ပါတယ်။

ဆင်းရဲသော်လည်း လူတော်ပညာတတ်ဖြစ်လာ စေရန်

ရိုးရိုးသားသား၊ မကြောက်မရွှံ ့၊ ပွင့်ပွင့်လင်းလင်းကို ပြောရမယ်ဆိုရင် ယနေ့အချိန်အထိ ငွေရှိမှ အဆင့်မြင့် ပညာ သင်ကြားခွင့်ရနေသေး တဲ့ ခေတ် ဖြစ်နေပါ သေးတယ်။ များသောအားဖြင့်ကို ပြောတာပါ။ မချမ်းသာပေမယ့် တကယ်ပဲ အဆင့်မြင့် ပညာသင်ကြားခွင့်ရသွားတဲ့ သူတွေလည်း တစ်ပုံကြီးပါ။ဒါကတော့ ဖွံ့ဖြိုးဆဲနိုင်ငံတိုင်းမှာ ဖြစ်နေတဲ့ ကိစ္စမို့ ဘယ်သူ့မှာမ အပြစ်မရှိပါဘူး။ အပြစ်မရှိတဲ့ ဒီလောကမှာ ကိုယ်ရဲ ့ကြိုးစားရုန်းထွက်နိုင်မှုက စံဥပမာ တစ်ခုက တိုင်းပြည်အတွက် အကျိုးကျေးဇူး ပေးနိုင်ရမှာ ဖြစ်ပါတယ်။

သူငယ်တန်းကနေ စကြည့် ရမယ်ဆိုရင် ငွေရှိတဲ့ မိသားစုမှာ မွေးဖွားတဲ့ ကလေးဟာ ရိုးရိုးကျောင်း ပညာရေးအပြင် အခြားသော ငွေကုန်ကြေးကျ များသာ ပညာရပ်များ၊ ကျောင်းများ တစ်မျိုးပြီး တစ်မျိုးတက်ရောက်ခွင့်ရကြ ပါတယ်။ သာမန်မိသားစု သို့မဟုတ် ဆင်းရဲတဲ့ မိသားစုက မွေးဖွားလာ သူများကတော့ ပညာရေး ဆိုတာ တစ်ချိန်မှာ အလုပ်လျှောက်ရင် ပါလာတဲ့ လက်မှတ်ကလေး တစ်ခုပမာပဲ သဘောထားရရှာပါတယ်။ ပြီးတော့ အခြားသော ပညာရေးလမ်းများကိုလည်း လျှောက်လှမ်းခွင့် မရကြပါဘူး။

ဒီတော့ ဆင်းရဲသူများ၊ အဆင့်မြင့် ပညာသင်ကြားလိုသူများ၊ ဘဝ အတွက် သေချာသော အာမခံချက် ပညာတစ်ခု ရရှိလိုသူများအတွက် လူငယ်တိုင်းအတွက် နည်းလမ်းမျှဝေချင်ပါတယ်။

“အင်္ဂလိပ်စာ အရည်အချင်းမြင့်ပါ”
——————————–

အရေးအကြီးဆုံး အချက်မို့ ထိပ်ဆုံးထားပြီး အကြံပြုပါတယ်။ အင်္ဂလိပ်စာ တစ်ခုသာ ရရင် အားလုံးကို Self study ကြိုးစားလုပ်ယူလို့ ရပါတယ်။ အင်္ဂလိပ်စာတတ်ဖို့ဆိုတာကလည်း သင်တန်းအကြီးကြီးတွေ လိုက်တတ်နေ မှ မဟုတ်ပါဘူး။ စိတ်တစ်ခုက အရေးကြီးဆုံးသာ ဖြစ်ပါတယ်။ သူငယ်တန်း ကစလို့ ၁၀ တန်းအထိ သင်လာတဲ့ အင်္ဂလိပ်စာများ အခြေခံရှိတာနဲ့တင် အပြင် အင်္ဂလိပ်စာ လေ့လာဖို့က အင်မတန် လွယ်ကူနေပါပြီ။ ငွေရှိရင် လည်း ငွေကုန် သင်တန်းတက်ပြီး ငွေမရှိလည်း ပညာဒါန ကျောင်းများ ရှာတတ်နိုင်ပါတယ်။ မြန်မာပြည်က နေရာတော်တော်များများမှာ ပညာဒါန အခမဲ့ကျောင်းတွေ အတော်လေး များပြားနေပါပြီ။

အင်္ဂလိပ်ရုပ်ရှင်တွေ၊ သီချင်းတွေ ကြည့်ရှုနားထောင် သူတို့ ဘာသာစကားနဲ့ ဟန်ပန်အမူအရာကို လိုက်လံ အတုယူ၊ လေ့ကျင့် ပြောဆိုကြည့်ပြီးတော့ လည်း လေ့ကျင့်နိုင်ပါတယ်။ တစ်ယောက်တည်းသော်လည်းကောင်း၊ သူငယ်ချင်းများနဲ့သော်လည်းကောင်း လေ့ကျင့်ပြီးတော့ အင်္ဂလိပ်စကားပြော ကိုလည်း မြင့်တင်နိုင်ပါတယ်။

အင်္ဂလိပ်စာအရည်အချင်းတိုးတက်အောင် အလွယ်တကူ လေ့လာလို့ရတဲ့ စာအုပ်များလည်း အပြင်မှာ ရနိုင်တဲ့ အတွက် စာရေးသူမှ အကျယ်ချဲ ့မပြောလိုတော့ ပါဘူး။ အင်္ဂလိပ်စာ၊ စကား အတော်အတန် ပြောတတ်၊ နားလည် တတ်နေပြီဆိုရင်ကို ပတ်ဝန်းကျင်မှာ ကိုယ်ဟာ တစ်ဘန်းသာနေ မှာ ဖြစ်ပါတယ်။ ကမ္ဘာသုံး ဘာသာစကား အင်္ဂလိပ်စာတတ်ထားရင် ဘယ်အခြေအနေ၊ ဘယ်နေရာရောက်ရောက် အခက်အခဲများ ဖြေရှင်းနိုင် ပါတယ်။

အင်္ဂလိပ်စာနဲ့ ဆက်စပ်ပြီးတော့ အင်တာနက်ကလည်း လေ့လာရမယ့် နယ်ပယ်ကြီး တစ်ခု ဖြစ်လာပါတယ်။ အင်တာနက်မှာ ဗဟုသုတ ရနိုင်မယ့် အချက်အလက်ပေါင်း များစွာ ရှိနေပါတယ်။ ကိုယ်က အင်္ဂလိပ်စာ အခြေခံရှိရင်လည်း အလွယ်တကူ ဝင်ဖတ်နိုင်သလို၊ မရှိလည်း အဘိဓာန်ဆောင်လို့ အင်တာနက်မှာ စာများ လေ့လာ ဖတ်ရှုနိုင်ပါတယ်။ စာများတင်မဟုတ်ပါဘူး။ မိမိ စိတ်ဝင်စားတဲ့ ဘယ်အရာကိုမဆို ဝင်ကြည့်၊ ဝင်ဖတ်၊ ဝင်လေ့လာ၊ ဝင်အသုံးပြုကြည့်၊ ဖန်တီးကြည့်တာမျိုးတို့ ဖြစ်ပါတယ်။

အင်တာနက် လိုင်းမကောင်းတာတော့ မှန်ပါတယ်။ သို့ပေမယ့် ဒါစာ အမြဲတမ်းမဟုတ်ပါဘူး။ တစ်ခါခါကျ ကောင်းပါတယ်။ Browser တစ်ခုဖွင့်ဖို့အတွက် တစ်မိနစ်ထက် ပိုမကြာရင် သုံးဖို့ ကောင်းမွန်တဲ့ အခြေအနေ တစ်ခု ဖြစ်ပါတယ်။ အင်တာနက်မှာ မန်ဘာဝင်လို့ရတဲ့ ပညာရေး ဖိုရမ်များ၊ ကျောင်းများ၊ အခမဲ့ ပညာရေး များ အစရှိသဖြင့် ကိုယ်ရှာဖွေရင် ရှာဖွေသလောက် တွေ့ရှိလို့ နိုင်ငံတကာ နဲ့ ပြည်တွင်း က ဖြစ်ပျက်နေမှုများကို သိရှိရမှာ ဖြစ်ပါတယ်။

“လမ်းတစ်ခုရွေးပါ”
—————-

မိမိ လျှောက်လှမ်းချင်တဲ့ ပရော်ဖက်ရှင် တစ်ခုခုကို ရွေးစေခြင်း ဖြစ်ပါတယ်။ မိမိ လက်ရှိမှာ ရှိနေတဲ့ ပညာအရည် အချင်းနဲ့ ဘယ်လို အရည်အချင်းတို့ ထပ်မံပေါင်းစပ်တဲ့အခါ ဘယ်လို အသက်မွေးဝမ်းကျောင်းမှု ပညာက ကိုယ့်အတွက် ကောင်းကျိုးပေးမယ်ဆိုတာ ကိုယ်တိုင်သာ စဉ်းစားဆုံးဖြတ်စေချင်ပါတယ်။ ကိုယ်ကိုယ်တိုင် ဘာလုပ်လို့ ဘာကိုင်ရမယ်။ ဘယ်လမ်းရွေးချယ်ရမယ် ဆိုတာမှ မသိသေးရင် တော်တော်ကို ဆိုးတဲ့ အခြေအနေပါ။ နယ်မှာပဲနေနေ၊ မြို ့ကြီးမှာပဲနေနေ ဘဝရည်မှန်းချက် အသက်မွေးဝမ်းကျောင်းမှု ပညာရပ် တစ်ခုခုကိုသာ ရွေးချယ်ထားရင် မဆင်းရဲတော့ပါဘူး။ နောက်ပိုင်းက ကိုယ်ရဲ ့ကြိုးစားမှုအပေါ်မှာသာ မူတည်တော့လို့ ဖြစ်ပါတယ်။

“လမ်းဖြောင့်ဖြောင့်လျှောက်ပါ”
—————————-

ဘယ်လိုပယောဂကြောင့်ပဲ ဖြစ်ဖြစ် ကိုယ်ရွေးချယ်ထားတဲ့ ပညာရပ်လမ်းကနေ မနောက်ဆုတ်သင့်ပါဘူး။ နောက်ဆုတ်မယ်။ နားလိုက်မယ်။ ကြိုးစားမှု ရပ်တန့်မယ်။ လမ်းလွဲမယ်။ အစရှိတဲ့ လုပ်ရပ်များက မိမိရဲ ့ ဘဝတန်ဖိုးကို အပြောင်းအလဲပြုလုပ်ခြင်း ပဲ ဖြစ်ပါတယ်။ သုညက ပြန်စရတာ မလွယ်ပါဘူး။ ဒါကြောင့် လမ်းတစ်ခုရွေးပြီးရင် တည့်တည့်လျှောက်တတ်ရပါမယ်။ ရည်မှန်းချက် ခိုင်ခိုင်မာမာ ထားရှိရပါမယ်။

အကောင်းဆုံး ကြိုးစားနိုင်ရပါမယ်။ အကောင်းဆုံးဆိုလို ကြိုးစားအားထုတ်မှု ဇွဲ၊ ဝီရိယ၊ လုံ့လ တည်နေစေဖို့ ဖြစ်ပါတယ်။ စိတ်တစ်ခုက အဓိက ဖြစ်ပြီး၊ စိတ်ဓာတ်ခိုင်ခိုင်ထားလို့ ကြိုးစားရင် မိမိကြိုးစားချက်များကို ကျေနပ်နေတတ်ပါတယ်။ ဒါကတော့ အကျဉ်းချုပ်ပြောခြင်းပါ။ ကိုယ်နှစ်သက်တဲ့ ဘာသာရပ်နဲ့ အလုပ်တစ်ခုကို ရွေးချယ်မယ်ဆိုတာ ကလည်း အဆင့်များစွာ ရှိနေပါသေးတယ်။

“အခွင့်အလမ်းကောင်းများ ရှာဖွေပါ”
———————————

တစ်ကူးတကတော့ မဟုတ်ပါဘူး။ ကိုယ့်လမ်းကိုလျှောက်နေရင်း ဒီအတွက် ပိုမို အကျိုးထူးစေနိုင်မယ့် ထောက်ပံမှုများ၊ ပညာရပ်များ ပေါ်ပေါ်လာ တတ်ပါတယ်။ လေ့လာအားထုတ်မှုဆိုတော့မှာ ဘယ်တော့မှ မရပ်တန့်ရ ပါဘူး။ အခွင့်အရေးရလျှင်ရတိုင်း သတိကြီးကြီးနဲ့ ဆုံးဖြတ်ချက်ချလို့ အထောက်အပံ့ ကောင်း တစ်ခု ဖြစ်အောင် ကြိုးစား၊ ရွေးချယ်၊ သင်ယူ၊ လေ့ လာ ရပါမယ်။

တစ်ခါတစ်လေကျ အဆင့်မြင့် ပညာရပ်ဆိုတာ ဘွဲ့လက်မှတ်တွေပေါ်မှာ ရှိနေတာကိုပဲ ဆိုလိုတာ မဟုတ်ပါဘူး။ ကိုယ် ဘယ်လောက်လေ့ လားဖြစ်ထားတယ်။ လုပ်နိုင်တယ်ဆိုတာကလည်း အဓိက ကျပါတယ်။ ကိုယ်က စာတမ်း မပြုစုရပေမယ့် ကိုယ်လုပ်ထားတဲ့ အလုပ်က စာတမ်းပြုစုထားသူများထက် ပိုမို ထူးခြား ကောင်းမွန်နေ ရင် ဒါဟာ အဆင့်မြင့်ပညာရပ်တစ်ခုကို တတ်မြောက်ထားခြင်း တစ်မျိုးပါပဲ။

အဓိက ပြောချင်တဲ့ အချက်က အခုမှရောက်ရပါတယ်။ ကိုယ်က ပိုက်ဆံ မရှိဘူး။ ပညာသင်ကြားဖို့ အခွင့်အရေး မရှိဘူးဆိုရင် ယခု လက်ရှိ လုပ်နေတဲ့၊ ရွေးချယ်ထားတဲ့ ပညာရပ်နဲ့ အသက်မွေးဝမ်းကျောင်းမှု လမ်းမှာ အကောင်းဆုံး ဖြစ်အောင် ဖန်တီးနိုင်ရပါမယ်။ သာမန်လူ ပြုလုပ် သွားလာနေတဲ့ နည်းအပြင် ကိုယ့်ဆီမှာ ရှိတဲ့ အိုင်ဒီယာအသစ် များ ပေါင်းစပ်မယ်၊ နိုင်ငံတကာက နည်းနာများ လေ့လာ လို့ ပြည်တွင်းနဲ့ လျော်ညီတဲ့ အခြေအနေတစ်ခုကို ပြန်လည်ဖန်တီးမယ်။ ချပြမယ်။ ဒါတွေကလည်း တကယ်ပဲ အသိအမှတ်ပြုခံရလောက်တဲ့ အကျိုးကျေးဇူး အထိုက်အလျောက် တစ်ခုအထိ ရရှိလိုက်မယ်ဆိုရင် ကိုယ်ဟာ အဆင့်မြင့် ပညာရပ် သင်ကြားထားသူများနဲ့ ယှဉ်နိုင်ပါပြီ။

အထက်ပါ အချက်များအားလုံးကို လုပ်ဖို့အတွက် ငွေကြေး ဘယ်လောက်မှ မကုန်ကျပါဘူး။ ၁၀ တန်းအောင် ဖြစ်စေ၊ တက္ကသိုလ်ဘွဲ့ရဖြစ်စေ အကြောင်းအမျိုးမျိုးကြောင့် မိမိ လေ့လာသော ပညာရပ်နဲ့ အသက်မွေးဝမ်းကျောင်းမှု လုပ်ငန်းကို တွင်တွင်ကျယ်ကျယ် မလုပ်နိုင်ဘူးဆိုရင်၊ အခက်အခဲတွေ တွေ့နေရင် အထက်ပါ အဆင့်များအတိုင်းသွားနိုင်ပါတယ်။

၁။ အင်္ဂလိပ်စာ အရည်အချင်း အဆင့်မြင့်ခြင်း
၂။ လမ်းတစ်ခုရွေးချယ်ခြင်း
၃။ ဇွဲရှိရှိ ကြိုးစားခြင်း
၄။ အခွင့်အလမ်းကောင်းများ ကို လက်ဆုပ်လက်ကိုင်ပြုနိုင်ခြင်း
၅။ စွန့်ဦးကြိုးစား ဖန်တီးခြင်း

အစရှိတဲ့ အဆင့်များအတိုင်း သွားမယ်ဆိုရင် ဘယ်လောက်ပဲဆင်းရဲ ဆင်းရဲ နိုင်ငံအတွက် တစ်ထောင့်တစ်နေရာက အကျိုးပြုစေမယ့် ပညာတတ် တစ်ဦး ဖြစ်လာစေမယ်လို့ ယုံကြည်ပါတယ်။

အချစ်သူရဲကောင်းကြီးခွန်ဆာမ်လော နဲ့ နန်းဦးပျဉ် အချစ်ဇာတ်လမ်းဟာ တကယ်လား (ချစ်သူများနေ့အတွက် လက်ဆောင်)

ခွန်ဆမ်လော

ခွန်ဆာမ်လော နဲ့ နန်းဦးပျဉ် အချစ်ဇာတ်လမ်းကြီးဟာ လူတိုင်း ကြားဖူးနားဝ ရှိလိမ့်မယ်ထင်ပါတယ်။ ငယ်ငယ်တုန်းက လူကြီးတွေ မကြာခဏပြောဖူးတာ ကြားတယ်။ ရုပ်ပုံနဲ့ဝတ္တုစာအုပ်လေးတွေလဲ ထွက်တာတွေ့ဖူးတယ်။ ဆယ်တန်းရောက်လာတော့လည်း ၁၀ တန်းအင်္ဂလိပ်ဖတ်စာမှာ ပါတယ်။ ဒါပေမယ့် ကျနော့်တို့ ခေတ်ရောက်တော့ မသင်ရတော့ပါဘူး။ ကျနော့်ကတော့ သေချာဖတ်ခဲ့ပါတယ်။ ဘာဖြစ်လို့လဲဆိုရင် ရှမ်းရဲ့တစ်ခု တည်းသော ကမ္ဘာ့အဆင့်မှီ အချစ်ဇာတ်လမ်းဖန်တီးမှုကြီး ၊ အနုပညာဖန်တီးမှု ဖြစ်နေလို့ပါပဲ။ ဂန္ဓဝင်စာရေးဆရာ ရှိတ်စပီးယား တို့လောက်ကို အဆင့်မှီနေလို့ဆိုရမှာပဲ။ တရုတ်ပြည်အထိ ဒီဇာတ်လမ်းက ဖော်ပြခံရဖူးတယ်လို့လဲ ကြားဖူးသည်။

ကျနော်က မိုင်းကိုင်သား အဲဒီအကြောင်းကို အရွယ်ရောက်လာတဲ့အခါမှာ စိတ်ဝင်တစား လေ့လာခဲ့တယ်။ လိဂ်;လူင် ထဲမှာလဲ အဲအကြောင်းကို ဖတ်ကြည့်ဖူးတယ်။ သူတို့ရဲ့ အချစ်ဇာတ်လမ်းကြီးက အရမ်းပဲ အားကျဖွယ်ရာလည်းကောင်းတယ်။ တစ်ယောက်နဲ့တစ်ယောက်အပေါ် သစ္စာတရား ထားတဲ့နေရာမှာ အသက်နဲ့လဲပြီး ချစ်သွားတယ်။ နမ့်တိန်းချောင်းမှာ ရည်းစားစကားတွေပြောတဲ့ပုံ၊  နောက်ဆုံးမှာတော့ ဝမ်းနည်းကြေကွဲဖွယ်ရာ ရောက်ပြီး ကောင်းကင်ပေါ်မှာ ရောက်တာတောင်မှ စည်းခြားခံထားရတဲ့ဘဝလေးတွေပေါ့။

 သဏ္ဍာရီဆန်ဆန် ဂန္ဓဝင်ပုံပြင်ဆန်ဆန် တကယ့်ဖြစ်ပျက်တဲ့ဇာတ်လမ်းဆန်ဆန် အချစ်ဇာတ်လမ်းလေး တစ်ပုဒ်ဟာ လူသားတွေရဲ့ နှလုံးသားကို ညှို့ယူဖမ်းစားနိုင်တဲ့ ကလောင်တံသွားထက်ထက်နဲ့ ရေးလိုက်တဲ့ဇာတ်လမ်းတစ်ပုဒ် လို့ ဘယ်သူမှ မထင်မိအောင် ရေးနိုင်ခဲ့တဲ့ စာရေးဆရာကို ကျနော်အရမ်းလေးစားတယ်။ အရမ်းလဲအားကျတယ်။ စာရေးဆရာက ယုတ်တိရှိရှိ ဖန်တီးရေးယူလိုက်တဲ့ ဒီအချစ်ဇာတ်လမ်းကြီးဟာ တကယ့်အဖြစ်အပျက်တွေလို့ ထင်နေကြတဲ့ လူတွေအများကြီးရှိနေပါတယ်။

ယနေ့ခေတ်လူငယ်တွေဟာ ဒီအတိုင်းထင်နေကြနေတုန်းပါပဲ။ လူငယ်တင်မကပါဘူး မိုင်းကိုင်မြိုု့ခံ လူကြီးမိဘတွေဟာလည်း  ဒီဇာတ်လမ်းဟာ တကယ်ဖြစ်ခဲ့ပါတယ် ဆိုပြီး သက်သေအထောက်အထားတွေနဲ့ ပြောပြနေတုန်းပါပဲ။

အချို့မိုင်းကိုင်လူငယ်နဲ့ အနီးနားမြို့လေးတွေကလည်း ချစ်သူများနေ့ရောက်ရင် ခွန်ဆာမ်လောနဲ့နန်းဦးပျဉ် သချင်္ိုင်းလေးမှာ သွားပြီး သူတို့လေးတွေလို သေကွဲ ကွဲမခံရအောင် ဆုတောင်းကြပါတယ်တဲ့။ ဒီဇာတ်လမ်းထဲမှာ ခွန်ဆာမ်လောကတော့ အချစ်သူရဲကောင်း ကြီးပေါ့။

 ကျနော်ကတော့ စာရေးဆရာရဲ့ စာပေအရေးအသားကျွမ်းကျင်မှုကို အားကျတယ်၊ ဂုဏ်ယူတယ်၊ လေးစားတယ်။  အခုဖြစ်နေတဲ့ပုံက ဖန်တီးရေးယူ လိုက်တဲ့ဇာတ်လမ်းကြီးကိုသာ တကယ့်အဖြစ်လို့ ယုံကြည်နေတယ်၊ ယူဆနေတယ် ဆိုရင် စာရေးဆရာရဲ့ စာပေဖန်တီးမှုကို ချီးကျူးတဲ့နေရာ ရောက်မသွားတော့ဘဲ သူ့ရဲ့အနုပညာဖန်တီးမှုဟာ အချည်းအနှီးပဲဖြစ်သွားတယ်။ လုံးဝစိတ်မကောင်းစရာပဲ။

ရှမ်းတို့ရဲ့ပင်ကိုယ်သဘောသဘာဝအရမ်းရိုးရှင်းတယ်။ ဝေ့လည်ကြောင်ပတ် တွေးတောချင်တဲ့စိတ်မရှိဘူး။ ဟုတ်၏ မဟုတ်၏ ဘယ်သောအခါမှ မဝေဖန်မသုံးသပ်ချင်ဘူး။ ဝါဝါမြင်တိုင်း ရွှေလို့ထင်နေတယ်။ ဖြူဖြူမြင်တိုင်း နွားနို့လို့ထင်နေတယ်။

ဒီဇာတ်လမ်း (လိဂ်;လူင်) ကိုဖတ်တဲ့အချိန်မှာ ရှမ်းစာပေပညာရှင်ကြီးထဲက rဝဝ်;ဂ၊င်းသိူဝ် နဲ့ ခေ၊င်းခမ်းဂူ, တို့ရဲ့ အိုက်ဒီယာ ကြီးဖြစ်နေတယ်။ ထင်ထင်ရှားရှားရေးထားတာကတော့ နန်းခမ်းကူ ပေါ့ဗျာ။

++++ စာရေးဆရာနှင့်ပထဝီနယ်မြေနှံ့စပ်မှု +++++

ဒီဇာတ်လမ်းတစ်ခုကို ရေးမယ်ဆိုကတည်း စာရေးဆရာဟာ သူ့ရဲ့ဇာတ်ကွက်ထဲ ရောက်လာအောင် သက်သေအထောက်အထားတွေနဲ့တကွ  စနစ်တကျ သုတေသနပြုပြီးဖန်တီးရေးသားခဲ့ပုံပေါ်တယ်။

နန်းဦးပျဉ် ရဲ့ အိမ်နေရာ၊ သင်္ချိုင်း၊ မုံညှင်းခြံ၊ ရေတွင်း၊ နမ့်တိန်း ၊ ခွန်ဆာမ်လောရဲ့ နွားအုပ်ကျောက် စတာတွေကို ရေရှည်အမြဲပေါ်လွင်ထင်ရှား နိုင်တဲ့ သက်သေတွေနဲ့ ဖန်တီးမှု လုပ်ခဲ့တယ်။ စာရေးဆရာဟာ စာဖတ်သူတွေကို စိတ်ပါဝင်စားလာအောင် သူရဲ့စာပေတင်စားရေးသားမှုက သက်သေ ပြနေပါတယ်။ သူဟာ ပတ်ဝန်းကျင်ကိုလည်း အရမ်းပဲ တင်စားရေးသားတတ်တယ်။

နန်းဦးပျဉ် အလှကို နန်းဦးပျဉ် မနက်စျေးဝယ်ထွက်လျင် သူမရဲ့ဘယ်ခြေလှမ်းလေးလှမ်းလိုက်လျှင် ဘယ်စျေးတန်းက ယိမ်းယိုင်သွားတယ်။ ညှာခြေလေးလှမ်းလိုက်လျှင် ညှာစျေးတန်းလေး ယိမ်းသွားတယ်တဲ့။ နောက်ပြီး စာရေးဆရာဟာ အသည်ကွဲတဲ့ သူတစ်ယောက်ဖြစ်ကောင်းဖြစ်နိုင်သည်။  နန်းဦးပျဉ်ကိုသူ့ဇာတ်ကောင်ထဲမှာ အမုန်းတရားပါတဲ့ မိုင်းကိုင်သူတွေကို ကျိန်စာတိုက်ထားတဲ့ပုံစံပေါ့။ သူ့လို မလှပါစေနဲ့ သူ့လိုလှလျှင် သူ့လို ဒုက္ခရောက်ရမှာစိုးလို့တဲ့။

ခွန်ဆမ်လော နဲ့ နန်းဦးပျဉ် သင်္ချိုင်းဟာအခု လျှိုကြီးယှဉ်တွဲပြီး အတွင်းမှာ ထင်းရှုးပင်များ ပေါက်နေသည်ကို တွေ့မြင်ရပါမည်။

နန်းဦးပျဉ်ရဲ့ အိမ်နေရာနဲ့ သင်္ချိုင်း သိပ်မနီးမဝေးမှာရှိနေတယ်။ ကျနော် မြေပုံစံကိုကြည့်လိုက်တယ်။ သဲအမျိုးစားထဲမှာ ပါဝင်တဲ့မြေဆိုတာ သိရတယ်။ သဘာဝအရ သဲမြေဆိုတာ ရေတိုက်စားလွယ်တယ်။ ဒါကြောင့် သင်္ချိုင်းနဲ့အိမ်နေရာလေးတွေမှာ ဘယ်လောက်ကြာရင်တော့ ရေတိုက်စားမှုကြောင့် မြေတွေ ဘယ်လိုပုံစံဖြစ်မယ်ဆိုတာ စာရေးဆရာက ကြိုသိနေသလို ဖြစ်နေတယ်။ ဒါကသူဟာ ပထဝီအနေအထားကို အကဲခတ်တော်သူဖြစ်တယ်။ သဘာဝပတ်ဝန်းကျင်ပြောင်းလဲနိုင်မှုကို ကြိုတင်ခန့်မှန်းနိုင်တယ်။ ဒီခေတ်စကားနဲ့ပြောရင်တော့ ပထဝီဘာသာရပ်ပညာရှင်ပေါ့ဗျာ။

နန်းဦးပျဉ်ရဲ့ မုံညင်းခြံ လေးဟာလည်း နှစ်ကာလကြာရှည်စွာ ရပ်တည်ပေးနိုင်တဲ့ သက်သေတစ်ခုဖြစ်တယ်။ သူကတော့ ထူးခြားစွာ ကွင်းပြင်လေးတွေမှာ အစုလိုက်အပြုံလိုက် ပေါက်နေတဲ့ အပင်တစ်မျိုးပဲ။ နှစ်ဘယ်လောက်ကြာကြာ ပြန့်ကျဲထွက်လာတဲ့ အပင်မျိုးမဟုတ်ဘူး။ သူ့အမှာ အသီးလေးရှိပါတယ်။ ဒီအပင်က မိုင်းကိုင်မှာမကပဲ လဲချားမှ နမ်းဟူးဖရားထမ် (ဝမ်ပန်) ကိုသွားတဲ့ဖက်မှာလဲ ကိုယ်တိုင်မြင်ခဲ့တယ်။ ဒီလို တွေးကြည့်ရင် ခွန်ဆာမ်လောက နန်းဦးပျဉ်ကို လာရောက်တောင်းရမ်းပြီး ကျိုင်းတောင်းအပြန်မှာ မျိုးစေ့ပြုတ်ကျစေခဲ့သည့်ပုံစံ ဖြစ်သည့်သယောင်ယောင် စာရေးဆရာက ကွင်ဆင်ထားသလားထင်ရတယ်။  ဒီအပင်ကို ဘော်ဒနီဘာသာရပ် အထူးလေ့လာလိုက်စားတဲ့ သူကို ခေါ်သွားပြီး သုတေသန ပြုလိုက်ရင်တော့ သူဟာ ဘယ်အပင်အမျိုးစားထဲမှာပါနေသလဲဆိုတာ သေချာသိမှာပါ။

++++ စာရေးဆရာနဲ့ အတိတ္တယဝုတ္တိအလင်္ကာ++++

နောက်ပြီး ခွန်းဆမ်လော နဲ့ နန်းဦးပျဉ် နမ့်တိန်း နားဘေး ရည်းစားစကားပြောနေချိန်မှာ ရေစီးကျသံတွေ ဆူညံနေလို့ ဘာမှမကြားရဘူး သူတို့က " နမ့်တိန်းရယ် ဒီမှာ ချစ်ရေးဆိုစကားပြောနေတယ် ဘာမှမကြားရဘူး ခဏရပ်ပေးပါ " ဆိုပြီး နမ့်တိန်း ကအခုအချိန် အထိ အသံတိတ်သွားတယ်တဲ့။ သို့ပေမယ့်လည်း ယခုအချိန်အထိ မိုးရွာရေကြီးရင်တော့ အသံကြားနေရတုန်းပါပဲလို့ မိုင်းကိုင်နယ်ခံအချို့က လက်ခံနေတုန်းပါပဲ။ ထူးဆန်းသည်မှာ မိုးရွာရေကြီးလျင် ဘယ်နေရာမဆို ရေတံခွန်၊ ရေချာင်းရေမြောင်းတို့ရဲ့ အထက်ပိုင်းဟာ အသံတစ်မျိုးထွက်လာတာ မဆန်းပေ။ ဒါကတော့ စာရေးဆရာက သဘာဝပတ်ဝန်းကျင်ကို တင်စားပြီး သူတို့နှစ်ယောက်အပေါ် စာနာနားလည်မှုတွေ ချက်ခြင်းပေါ်လာစေတဲ့ တင်စားရေးသားမှုဆိုတာ သိမြင်နိုင်ပါတယ်။ ရေစီးကျသံ ဆိုတာ သဘာဝကျကျ တွေးကြည့်ပါ။ အမြင့်မှ အနှိမ့်ကို စီးဆင်းသောချောင်းသည် အသံမြည်ပါတယ်။ ဥပမာ ရေတံခွန်လိုမျိုးပေါ့။ အခု မိုင်းကိုင်မြို့ကို ဝိုင်းပတ်နေတဲ့ နမ့်တိန်းဟာ မြေပြန့်ပေါ်မှာ စီးနေတဲ့ ချောင်းတစ်ချောင်းတာဖြစ်နေသည်ကို မြင်နေရတယ်။ ဘယ်လို အသံတွေ မြည်နေမှာလဲ။ လက်တွေ့မှာ ယုတ္တိရှိပါ့မလား။

" ပေႃႈဢိူၺ်း ပေႃႈဢိူၺ်း" လို့ နှီးစပ်စွာ အသံထွက်လာအောင် အော်နိုင်သော (ငှက်တစ်မျိုး)  ၼူၵ်ႉတွင်ႉလေႃး ကိုပင် ဇာတ်ကောင်တစ်ကောင် အဖြစ် ဆွဲယူရေးသားနိုင်ခဲ့တယ်။ ဒီဇာတ်ကောင်ကို ဆွဲထည့်နိုင်ခြင်းသည် စာဖတ်သူတွေကို သနားကြင်နာစိတ်တွေ ပေါ်လာအောင် ဆွဲဆောင်နေတာပါပဲ။

အဖြစ်မှန်ကို သုံးသပ်ကြည့်ရအောင်။ နန်းဦးပျဉ်ဟာ ခွန်ဆာမ်လော ခရီးထွက်စျေးကွက်ချဲ့နေချိန်မှာ ယောက္ခမ နဲ့အဆင်မပြေလို့ ကျိုင်းတောင်သူ နန်းဦးပင်း (ၼၢင်းဢူးပႅမ်း) နဲ့သဘောတူခဲ့လို့ အငြိုးကြီးစွာနဲ့ အမျိုးမျိုးဖိနှိပ်ငြင်းဆဲပြီး မောင်းထုတ်လိုက်တယ်။

အိမ်အပြန်လမ်းမှာ ခွန်ဆာမ်လောရဲ့သားလေးမွေးပါတယ်။ မွေးပြီး ခလေးပြုတ်ကျတာမို့လို့ အသက်မရှင်ဘဲ ၼူၵ်ႉတွင်ႉလေႃး ဖြစ်သွားတယ်။ အကြောင်းကတော့ ပိုက်ကြီးနေပေမယ့် အလုပ်တွေလုပ်ခိုင်းပြီး လှေကားမှာ ပြုတ်ကျလို့ပါပဲတဲ့။ အဲမှာ နန်းဦးပျဉ်က မှာလိုက်တယ်သူ့သားလေးကို " မင်းအဖေကို လိုက်ရှာပါတဲ့ " ဒါကြောင့်အဲငှက်လေးက" ပေႃႈဢိူၺ်ႊ ပေႃႈဢိူၺ်ႊ" လို့အော်နေတယ်တဲ့။

နှစ်ရက်သုံးရက်ကြတော့ ခွန်ဆာမ်လော အိမ်ပြန်ရောက်တယ် သူ့မိန်းမ အိမ်ပြန်သွားတယ်။ ကြားတော့ ချက်ခြင်းပဲ မိန်းမအိမ်ကို လိုက်သွားတယ်။ လမ်းခုတ်လတ်လောက်မှာ ငှက်လေးတစ်ကောင်က " ပေႃႈဢိူၺ်ႊ ပေႃႈဢိူၺ်ႊ" လို့ခေါ်သံကိုကြားတယ်တဲ့။

၁ ပတ်တောင်မကြာသေးဘဲနဲ့ ငှက်က ချက်ခြင်းပဲ ကြီးလာတယ်။ အဲလိုအသံထွက်အောင်အော်နေနိုင်တယ်။ ငှက်ရဲ့ကြီးထွားမှု မြန်နှုန်းက တော်တော် လေးအံ့ဩစရာကောင်းနေတယ်။ ဘာဖြစ်လို့လဲဆိုရင် ခွန်ဆာမ်လောတောင်မှ သူ့မိန်းမ ရဲ့ အလောင်းဘေးနားမှာ ငိုယိုပြီး သူဘယ်လောက်ချစ်ကြောင်းကို သူ့ကိုယ်သူသတ်ပြီး အတူသေခဲ့တယ်လေ။ ဒါဆိုရင် ကြာချိန်ဟာ ၁ ပတ်ထက်တော့ မကြာနိုင်ပါဘူး။ ဒါပေမယ့် ငှက်ကတော့ တော်တော်လေး ကြီးထွားမှု မြန်နေတယ်။ နတ်ငှက်များ ဖြစ်နေမလားမသိဘူး (ဟီး)။

ခွန်ဆာမ်လော နဲ့ နန်းဦးပျဉ် ကအချစ်အတွက် သေပွဲဝင်ခဲ့ကြတယ်။ ဒါတောင်မှ ကောင်းကင်ပေါ်မှာ လဆုတ်လကွယ်မှာ စိတ်ယုတ်အဖွားကြီးခြားလိုက်တဲ့ ၵၢၼ်သၢမ်တႃ ရဲ့တစ်ဖက်တစ်ချက်မှာနေပြီး ပန်းခိုင်လေးတွေ ဟိုဘက်ဒီဘက်ကမ်းကြတယ်တဲ့။

ဒါကိုကြည့်ခြင်းအားဖြင့် စာရေးသူဟာ သဘာဝပထဝီဝင်ဇာတ်လမ်းမြေနေရာအနေအထား နဲ့ရင်းနှီးယုံတင်မကပဲနက္ခတ္တာရာပညာမှာလည်းတစ်ဖက်ကမ်းကျွမ်းကျင်တဲ့ပုံဖြစ်နေတယ်။ ဘာဖြစ်လို့လဲဆိုရင် ကမ္ဘာနဲ့ချီပြီး တည်ရှိနေတဲ့ ဥက္ကာခဲ ဥက္ကာပျံတွေဖြစ်တဲ့ ကြယ်လေးတွေကိုကြည့်ပြီး သက်သေတစ်ခုအဖြစ် ဇာတ်ထုတ်ထဲရေးထည့်ရေးနိုင်လို့ပါပဲ။

နောက်ပိုင်းမှာ သီချင်းတွေထဲမှာ သူတို့ရဲ့အကြောင်းလေး တစ်ပိုင်းတစ်စထည့်ရေးတာ မကြာခဏမြင်ဖူးပါလိမ့်မည်။
ယခုသိပ္ပံအတွေးနဲ့ ခွန်ဆာမ်လော နဲ့ နန်းဦးပျဉ် သေပွဲဝင်လို့ ဒီကြယ်ပေါ်လာတယ်ပြောရင် ရယ်စရာကြီး ဖြစ်မနေဘူးလား။

တလောတုန်းက ကျိုင်းတောင်းမှ သူငယ်ချင်းများ ခွန်ဆာမ်လောရဲ့  ဘာ ၉၉၉ နှစ်ပတ်လည် လည်းတော့မသိ။ ၉၉၉ နှစ်ပတ်လည်ဆိုတာ ရှမ်းနှစ်တွေကိုပြောတာလား။ ဘယ်ရှမ်းဘုရင် အုပ်ချုပ်စင်ကာလာလဲ။ ဖြစ်နိုင်ခြေကို တွက်ကြည့်မယ်။ သမိုင်းနှင့် နှိုင်းယှဉ်ပြီး လေ့လာကြည့်မယ် ဆိုရင် တကယ်လို့ ဘယ်ဘုရင်၏ မှတ်တမ်းမှတ်ရာမှာ မပါရင် အချစ်ဇာတ်လမ်း ဖန်တီးမှုကြီးဖြစ်သည့် ဂန္ဓဝင်ဝတ္ထုလို့သာ မှတ်လိုက်ပါတော့လား။

အမှန်စင်စစ် ရှမ်းတို့သည်မှာ ကမ္ဘာ့အဆင့်မှီ ဂန္ဓဝင်အချစ်ဇာတ်လမ်းကြီးဖန်မှု စာပေပညာရှင်ရှိနေသည်။ စာပေအရေးအသားကို ဂုဏ်ယူရမည် ကိုမသိဘဲ အဖြစ်ပျက်တစ်ခုအဖြစ် ယုံကြည်နေသည်ကို လုံးဝစိတ်မကောင်းပါ။ စာပေပညာရှင်ရဲ့ အနုပညာစာပေ ဖန်တီးမှုက အချည်းအနှီးဖြစ်သွားရသည်။ သို့ပေမယ့်လည်း ကျနော်နဲ့ထပ်တူ စာရေးဆရာကို ဂုဏ်ယူတဲ့လူများ များများ ပေါ်ထွက်လာပါစေလို့ ဆုတောင်းရင်း.......

ကျနော်စုထားတဲ့ ဓါတ်ပုံလေးအချို့ကြည့်ပါနော်။

နန်းဦးပျဉ် မြေကွက်လပ်

အသစ်တည်ဆောက်ထားသော နန်းတော်

ခွန်ဆာမ်လော နှင့် နန်းဦးပျဉ် သင်္ချိုင်း

နန်းဦးပျဉ်မုံညှင်းစေ့ (မျိုးစေ့)

ၵၢၼ်းသမ်တႃ

မြေပြန့်ပေါ်တွင် စီးဆင်းနေသော နမ့်တိန်းချောင်းနှင့် ရေသလက်

နန်းဦးပျဉ် မုံညှင်းခြမြင်ကွင်း